ကားကျပ်ချိန် တိမ်အုံမည်းလို့
အံခဲပြီး ပြေးတဲ့ဟန်။
ကိုလေးမောင် ငါးဖောင်ရိုးက
တိုးဝှေ့လို့ပြန်။
မိုးသက်လေက ခြေနဲ့ကန်
ငါးဆယ်တန် လေနဲ့မျော။
စပယ်ယာတွေ ပိတ်ပိတ်ဟောက်တော့
ကြောက်စိတ်နဲ့မော။

ဘတ်စ်ကျားကြီး ဝုန်းဒိုင်းကြဲလို့
မိုးသည်းအောက် ဖြတ်လို့လာ။
ထီးဖြူရှင် ချိုင့်တစ်လုံးနဲ့
သုတ်သုတ်ပြာပြာ။
မြို့ထဲဘက် အဖြတ်မှာ
ဘတ်စ်ကားပေါ် တက်ကာပြေး။
ကိုလေးမောင် မျက်ထောင့်လေးနဲ့
စောင်းကြည့်တယ်လေး။

မိုးတိတ်လို့ ဂိတ်အဝင်
တိမ်စင်တဲ့တေး။
ကိုလေးမောင် လစ်ကာပြေးခဲ့
ထီးဖြူတဲ့လေး။

Tags: , ,

· · · ◊ ◊ ◊ · · ·